Orthopaedic specialists in Addis Ababa

ዶ/ር ሳሙኤል ኃይሉ
በዳሌ እና ጉልበት መገጣጠሚያ ቅየራ እና ከፍተኛ የአጥንት አደጋዎች ሰብ-ስፔሻሊስት

ዶ/ር ሳሙኤል የአጥንት ቀዶ ህክምና ስፔሻሊስት ሲሆኑ፤ በዳሌ እና ጉልበት መገጣጠሚያ ቅየራ እንዲሁም ከፍተኛ አጥንት አደጋዎች ሰብ-ስፔሻሊስት ናቸው።

የዶ/ር ሳሙኤል የህክምና ልምድ እና ልዩ ትኩረት የሚያካትታቸው፡ -

* ከፊት ለፊት በኩል የሚደረግ የዳሌ መገጣጠሚያ ቅየራ፣

* የጉልበት ቅየራ

* የዳሌ ገንዳ ፣ የዳሌ ማቀፊያ & የዳሌ ስብራት ህክምናን ያከናውናሉ።

ዶ/ር ሳሙኤል የህክምና ዶክትሬት ድግሪ (ኤምዲ) በ2001 ዓ.ም፣ እንዲሁም የአጥንት ህክምና የስፔሻሊቲ ሰርተፍኬት በ2006 ዓ.ም ከ አዲስ አበባ ዩኒቨርሲቲ የህክምና ትምህርት ቤት ያገኙ ሲሆን፣ ከ2001 ዓ.ም ጀምሮ በዚያው የማስተማር ሠራተኛ ናቸው። ከዚያም የአጥንት ስብራት እና የመገጣጠሚያ ቅየራ ንዑስ ስፔሻሊቲ ፌሎውሺፕን በሰንይብሩክ ሄልዝ ሳይንስ እና በሆላንድ ኦርቶፔዲክ እና አርትራይተስ ማዕከላት፣ በቶሮንቶ ዩኒቨርሲቲ፣ ካናዳ፣ በ2007 ዓ.ም አጠናቀዋል።

ዶ/ር ሳሙኤል ከፌሎውሺፕ በፊትም ሆነ በኋላ በጥቁር አንበሳ ስፔሻላይዝድ ሆስፒታል፣ አዲስ አበባ ዩኒቨርሲቲ ሰርተዋል፤ ከ2008 እስከ 2016 ዓ.ም ደግሞ የአጥንት አደጋ (ትራውማ) ክፍሉን መርተዋል። የሥራ ትኩረታቸው የመገጣጠሚያ ቅየራ፣ የዳሌ መገጣጠሚያ ቅየራን በፊት ለፊት አቀራረብ ማከናወንን ጨምሮ፣ እንዲሁም የዳሌ፣ የዳሌ ገንዳ እና የዳሌ መገጣጠሚያ ስብራት ህክምና ነው። የፊት ለፊት አቀራረብ ሊኖሩት ከሚችሉ ጥቅሞች መካከል አነስተኛ ጠባሳ እና አጭር የማገገሚያ ጊዜ ይገኙበታል፤ ጥቅሞቹ እና አደጋዎቹ በምክክር ወቅት ከእያንዳንዱ ታካሚ ጋር ይወያያሉ።

ዶ/ር ሳሙኤል የአጥንት ህክምና ተባባሪ ፕሮፌሰር ሲሆኑ፣ ለቀዶ ሐኪሞች እና ለሆስፒታሎች የመገጣጠሚያ መቀየሪያ እና የአጥንት ስብራት መጠገኛ መሳሪያዎችን እና የቴክኒክ ድጋፍ የሚያቀርበው የአዲስ ኦርቶ መስራችም ናቸው። የህክምና አገልግሎት የሚሰጡት በሳማሪታን ቀዶ ህክምና ማዕከልሲሆን፣ እዚያ ከ2010 ዓ.ም ጀምሮ በትርፍ ጊዜ እያገለገሉ ነው። ሙሉ መገለጫ እና ጽሑፎች፡ drsamuelhailu.com.

ዶ/ር ቃለአብ ተስፋዬ
አከርካሪ መጣመም ሕክምና እና ከፍተኛ የአጥንት አደጋዎች ሰብ-ስፔሻሊስት

ዶ/ር ቃለአብ ተስፋዬ ከፍተኛ የአጥንት አደጋዎች እና የአከርካሪ አጥንት ቀዶ ጥገና ሐኪም ናቸው። የአዲስ ኦርቶ የቀዶ ጥገና ሐኪሞች ቡድን አባል ሲሆኑ በትርፍ ሰዓታቸው በኢትዮ-ኢስታንቡል አጠቃላይ ሆስፒታል ህክምና ይሰጣሉ።

የትምህርት ማህደር ፡-

• የዶክትሬት ዲግሪ ከጎንደር ዩኒቨርሲቲ የጤና ሳይንስ ኮሌጅ ሕክምና ትምህርት ቤት በ2008 ዓ.ም

• በአጥንት ቀዶ ሕክምና ስፔሻልቲ ከአዲስ አበባ ዩኒቨርሲቲ የጤና ሳይንስ ኮሌጅ የሕክምና ትምህርት ቤት በ2013 ዓ.ም

• የምስራቅ፣ የመካከለኛውና የደቡብ አፍሪካ ቀዶ ሕክምና ኮሌጅ (COSECSA) የ2013 ዓ.ም ምሩቅ

• የከፍተኛ የአጥንት አደጋ እና የአከርካሪ አጥንት ሕክምና ሰብ ስፔሻልቲ ከጋንጋ ሆስፒታሎች እና የህክምና ማእከላት ፣ ኮይምባቶር ህንድ በ2016 ዓ.ም

ዶ/ር ቃለአብ ለሁሉም ታካሚዎቻቸው ከፍተኛ ጥራት ያለው የአከርካሪ አጥንት አደጋ፣ የአከርካሪ አጥንት ኢንፌክሽኖችና ዕጢዎች፣ የዳሌ እና የዳሌ ማቀፊያ ስብራቶች እና ከፍተኛ አደጋዎች ሕክምናን ይሰጣሉ።

ህመምን ለመቀነስ እና አጭር የሆስፒታል ቆይታን ለማረጋገጥ እንዲሁም ታካሚዎች በፍጥነት አገግመው ወደ መደበኛ ጤናማ ህይወታቸው በቶሎ እንዲመለሱ የሚረዳውን ዘመኑ ያፈራቸው የምርመራ መሳሪያዎች እና የህመም ማስታገሻ ዘዴዎችን በመጠቀም ሕክምና ይሰጣሉ።

የአዲስ ኦርቶ የቀዶ ጥገና ሐኪሞች ቡድን አባል ሲሆኑ በኢትዮ-ኢስታንቡል አጠቃላይ ሆስፒታል ይገኛሉ።